ەلوردادا «ازبۋكا جيليا» كومپانييالار توبىنىڭ يەسٸ ەرقانات تايجانوۆتىڭ مٷلٸگٸ تەركٸلەندٸ. بۇل تۋرالى قالالىق پروكۋراتۋرادان مەلٸم ەتتٸ, دەپ حابارلايدى قازاقپارات.
«ازبۋكا جيليا» كومپانييالار توبىنىڭ يەسٸ ە. تايجانوۆقا قاتىستى قىلمىستىق ٸستٸ زەرتتەۋ بارىسىندا قىلمىستىق جولمەن الىنعان مٷلٸك انىقتالدى, ياعني 5 جەر تەلٸمٸ مەن LEXUS LX570 اۆتوكٶلٸگٸ بەگٸلٸ بولدى. تايجانوۆتىڭ حالىقارالىق ٸزدەۋدە جٷرگەنٸنە بايلانىستى, نۇر-سۇلتان قالاسى پروكۋراتۋراسى الماتى اۋدانىنىڭ №2 سوتىنا زاڭسىز جولمەن الىنعان مٷلٸكتٸ سوتقا دەيٸنگٸ تەركٸلەۋ تۋرالى ٶتٸنٸمحات ەنگٸزدٸ», - دەلٸنگەن تاراتىلعان مەلٸمەتتە.
وسى ورايدا اۋداندىق سوت قاۋلىسىمەن ٶتٸنٸمحات تولىقتاي قاناعاتتاندىرىلىپ, تايجانوۆتىڭ مٷلٸگٸ مەملەكەت پايداسىنا بەرٸلدٸ.
«قازٸرگٸ كەزدە سوت اكتٸسٸ زاڭدى كٷشٸنە ەنٸپ, ونىڭ ورىندالۋىنا باعىتتالدى. قالا پروكۋراتۋراسى قىلمىستىق تابىستار مەن جىمقىرىلعان اكتيۆتەردٸ تەركٸلەۋ بويىنشا جۇمىستى جالعاستىرۋدا», - دەلٸنگەن حابارلامادا.
