9 shildeden beri Elbasy mýzeiinde korei sýretshisi Li Inamnyń tsifrlyq óner týyndylarynyń kórmesi ótip jatyr, dep habarlaidy "Ult aqparat".
Sharany Koreia Respýblikasy elshiliginiń Korei mádeni ortalyǵy men Elbasy Kitaphanasy, Nursultan Nazarbaev qory birge uiymdastyryp otyr.
Kórme aiasynda álemge áigili korei sýretshisi Pek Namdjýnnyń murageri dep sanalatyn áigili korei media óneriniń sheberi Li Inamnyń jumystary usynylǵan. Avtor bul týyndylary arqyly Shyǵys Aziia klassikalyq keskindemesiniń áigili kartinalaryn negizge ala otyryp, Shyǵys jáne Batys óneriniń úilesimin kórsetken.
Kórme Elbasy mýzeiiniń kópfýnktsionaldy kórme zalynda ótip jatyr, tórt jaǵynan úlken mýltimediialyq LED-ekrandarmen jabdyqtalǵan.
Avtor tsifrlyq ónerdiń kómegimen Shyǵys Aziia men Batystyń Kemdje Chongson, Kim Hondo, Jorj-Per Sera, Vinsent Van Gog siiaqty qylqalam sheberleriniń kartinalaryn biriktirý arqyly jańa mazmun ashqan, sondai-aq tyń stildegi týyndy arqyly Qazaqstan men Koreia yntymaǵynyń keleshegin dáripteidi. 50 minýttyq týyndy klassika men zamanaýi keskindemeni bir mýltimediialyq kontentke toǵystyrǵan.
«Men pandemiiaǵa bailanysty ashylý rásimine qatysa almaǵanyma óte ókinemin. Biraq, soǵan qaramastan, Qazaqstanda korei klassikalyq keskindemesiniń tanymal kartinalary nasihattalyp jatqany qýantady. Osy kórmege arnap óz týyndylarymdy «Jaryqtyń jandanýy» taqyrybynda daiyndadym. Sol arqyly Koreia men Qazaqstan arasyndaǵy ózara qarym-qatynastardyń tarihi sipatyna jaryq túsirgim keldi», - dedi kórmeniń ashylýynda tikelei bailanys arqyly sóz alǵan Li Inam.
Korei mádeni ortalyǵy bul sharany Qazaqstan Táýelsizdiginiń 30 jyldyǵy aiasynda qolǵa alyp otyr.
«Bizdiń mádeni ortalyq Qazaqstan Táýelsizdiginiń 30 jyldyǵy qarsańynda qazaqstandyqtarǵa korei media óneriniń týyndylaryn usynǵanyna qýanyshtymyn. Sýretshi eńbekteriniń arqasynda Koreia týraly kóbirek bilip, ortalyqtyń aldaǵy is-sharalaryna da jurttyń qyzyǵýshylyǵy oianady dep úmittenemin», - deidi Korei mádeni ortalyǵynyń direktory Li Heran.
Kórmeniń 12 qyrkúekke deiin jumys isteidi.
