9 شٸلدەدەن بەرٸ ەلباسى مۋزەيٸندە كورەي سۋرەتشٸسٸ لي ينامنىڭ تسيفرلىق ٶنەر تۋىندىلارىنىڭ كٶرمەسٸ ٶتٸپ جاتىر, دەپ حابارلايدى "ۇلت اقپارات".
شارانى كورەيا رەسپۋبليكاسى ەلشٸلٸگٸنٸڭ كورەي مەدەني ورتالىعى مەن ەلباسى كٸتاپحاناسى, نۇرسۇلتان نازارباەۆ قورى بٸرگە ۇيىمداستىرىپ وتىر.
كٶرمە اياسىندا ەلەمگە ەيگٸلٸ كورەي سۋرەتشٸسٸ پەك نامدجۋننىڭ مۇراگەرٸ دەپ سانالاتىن ەيگٸلٸ كورەي مەديا ٶنەرٸنٸڭ شەبەرٸ لي ينامنىڭ جۇمىستارى ۇسىنىلعان. اۆتور بۇل تۋىندىلارى ارقىلى شىعىس ازييا كلاسسيكالىق كەسكٸندەمەسٸنٸڭ ەيگٸلٸ كارتينالارىن نەگٸزگە الا وتىرىپ, شىعىس جەنە باتىس ٶنەرٸنٸڭ ٷيلەسٸمٸن كٶرسەتكەن.
كٶرمە ەلباسى مۋزەيٸنٸڭ كٶپفۋنكتسيونالدى كٶرمە زالىندا ٶتٸپ جاتىر, تٶرت جاعىنان ٷلكەن مۋلتيمەدييالىق LED-ەكراندارمەن جابدىقتالعان.
اۆتور تسيفرلىق ٶنەردٸڭ كٶمەگٸمەن شىعىس ازييا مەن باتىستىڭ كەمدجە چونگسون, كيم حوندو, جورج-پەر سەرا, ۆينسەنت ۆان گوگ سيياقتى قىلقالام شەبەرلەرٸنٸڭ كارتينالارىن بٸرٸكتٸرۋ ارقىلى جاڭا مازمۇن اشقان, سونداي-اق تىڭ ستيلدەگٸ تۋىندى ارقىلى قازاقستان مەن كورەيا ىنتىماعىنىڭ كەلەشەگٸن دەرٸپتەيدٸ. 50 مينۋتتىق تۋىندى كلاسسيكا مەن زاماناۋي كەسكٸندەمەنٸ بٸر مۋلتيمەدييالىق كونتەنتكە توعىستىرعان.
«مەن پاندەميياعا بايلانىستى اشىلۋ رەسٸمٸنە قاتىسا الماعانىما ٶتە ٶكٸنەمٸن. بٸراق, سوعان قاراماستان, قازاقستاندا كورەي كلاسسيكالىق كەسكٸندەمەسٸنٸڭ تانىمال كارتينالارى ناسيحاتتالىپ جاتقانى قۋانتادى. وسى كٶرمەگە ارناپ ٶز تۋىندىلارىمدى «جارىقتىڭ جاندانۋى» تاقىرىبىندا دايىندادىم. سول ارقىلى كورەيا مەن قازاقستان اراسىنداعى ٶزارا قارىم-قاتىناستاردىڭ تاريحي سيپاتىنا جارىق تٷسٸرگٸم كەلدٸ», - دەدٸ كٶرمەنٸڭ اشىلۋىندا تٸكەلەي بايلانىس ارقىلى سٶز العان لي ينام.
كورەي مەدەني ورتالىعى بۇل شارانى قازاقستان تەۋەلسٸزدٸگٸنٸڭ 30 جىلدىعى اياسىندا قولعا الىپ وتىر.
«بٸزدٸڭ مەدەني ورتالىق قازاقستان تەۋەلسٸزدٸگٸنٸڭ 30 جىلدىعى قارساڭىندا قازاقستاندىقتارعا كورەي مەديا ٶنەرٸنٸڭ تۋىندىلارىن ۇسىنعانىنا قۋانىشتىمىن. سۋرەتشٸ ەڭبەكتەرٸنٸڭ ارقاسىندا كورەيا تۋرالى كٶبٸرەك بٸلٸپ, ورتالىقتىڭ الداعى ٸس-شارالارىنا دا جۇرتتىڭ قىزىعۋشىلىعى ويانادى دەپ ٷمٸتتەنەمٸن», - دەيدٸ كورەي مەدەني ورتالىعىنىڭ ديرەكتورى لي حەران.
كٶرمەنٸڭ 12 قىركٷەككە دەيٸن جۇمىس ٸستەيدٸ.
