Elordada aýrýhanaǵa ókpe qabynýymen túsetin naýqastar sany 7 ese azaidy. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Timýr Muratov aitty, dep habarlaidy "Ult aqparat".
Onyń dereginshe, búginde Nur-Sultan qalasynyń statsionarynda koronavirýs pen ókpe qabynýynan 343 adam em alyp jatyr.
«5 shildeden bastap aýrýhanaǵa jatqyzylǵan naýqastardyń sany indettiń órshýi kezindegi 4 myńnan 343 adamǵa nemese 10 ese azaidy. Tiisinshe tósek qorynyń júktemesi 99 paiyzdan 17,2 paiyzǵa deiin kemidi. Statsionarlardaǵy KVI rastalyp, aýrýhanaǵa jatqyzylǵan naýqastar sany 2000-nan 137-ge deiin 14 ese, al ókpe qabynýymen 1333-ten 198-ge deiin 7 ese azaidy», - dedi Timýr Muratov.
Elordada koronavirýs indeti taralýynyń basylýyna bailanysty KVI-men kúreske jumyldyrylǵan densaýlyq saqtaý nysandarynyń sany qysqaryp jatyr.
