ەلوردادا اۋرۋحاناعا ٶكپە قابىنۋىمەن تٷسەتٸن ناۋقاستار سانى 7 ەسە ازايدى. بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتتى, دەپ حابارلايدى "ۇلت اقپارات".
ونىڭ دەرەگٸنشە, بٷگٸندە نۇر-سۇلتان قالاسىنىڭ ستاتسيونارىندا كوروناۆيرۋس پەن ٶكپە قابىنۋىنان 343 ادام ەم الىپ جاتىر.
«5 شٸلدەدەن باستاپ اۋرۋحاناعا جاتقىزىلعان ناۋقاستاردىڭ سانى ٸندەتتٸڭ ٶرشۋٸ كەزٸندەگٸ 4 مىڭنان 343 ادامعا نەمەسە 10 ەسە ازايدى. تيٸسٸنشە تٶسەك قورىنىڭ جٷكتەمەسٸ 99 پايىزدان 17,2 پايىزعا دەيٸن كەمٸدٸ. ستاتسيونارلارداعى كۆي راستالىپ, اۋرۋحاناعا جاتقىزىلعان ناۋقاستار سانى 2000-نان 137-گە دەيٸن 14 ەسە, ال ٶكپە قابىنۋىمەن 1333-تەن 198-گە دەيٸن 7 ەسە ازايدى», - دەدٸ تيمۋر مۇراتوۆ.
ەلوردادا كوروناۆيرۋس ٸندەتٸ تارالۋىنىڭ باسىلۋىنا بايلانىستى كۆي-مەن كٷرەسكە جۇمىلدىرىلعان دەنساۋلىق ساقتاۋ نىساندارىنىڭ سانى قىسقارىپ جاتىر.
