Endi jańa formattaǵy ataýly áleýmettik kómek týraly konsýltatsiiany Halyqty jumyspen qamtý ortalyǵynan jáne aýdan ákimdikterinen alýǵa bolady, dep habarlaidy qala ákimdiginiń resmi saity.
Halyqty jumyspen qamtý ortalyǵy tómendegi meken-jai boiynsha ornalasqan: Beibitshilik kóshesi, 25, «Órken» BO. Budan bólek turǵyndarǵa yńǵaily bolýy úshin AÁK boiynsha keńes berý qosymsha myna meken-jailar boiynsha da júrip jatyr: «Almaty» aýdany ákiminiń apparaty, Táýelsizdik dańǵyly, 7; «Baiqońyr» aýdan ákiminiń apparaty, Brýsilovskii kóshesi, 17/3; «Esil» aýdany ákiminiń apparaty, Qabanbai batyr kóshesi, 33; «Saryarqa» aýdany ákim apparaty, Saryarqa dańǵyly, 13.
Sondai-aq, Halyqty jumyspen qamtý ortalyǵynyń qyzmetkerleri qosymsha tómendegi meken-jailarda ornalasqan HKKO-da da qyzmet kórsetedi: «Esil» aýdany – № 1 bólim, Máńgilik El d-y, 30, № 2 bólimi Saýran kóshesi, 7; «Almaty» aýdany – № 3 bólim, Dostyq k-si, 13, № 4 bólim, Táýelsizdik dańǵyly, 32; «Baiqońyr» aýdany – № 5 bólimi, Abai dańǵyly, 80; «Saryarqa» aýdany – № 6 bólim, Seifýllin k-si, 22-úi, № 7 bólim, S409 kóshesi, 13, № 8 bólim, Respýblika dańǵyly, 43.
1-shi sáýirden bastap AÁK 50 den 70% ósedi (14 849 den 20 789 teńge). Osylaisha ai saiynǵy ataýly áleýmettik kómek 18 jasqa deiingi ár balaǵa 20 789 teńgeni quraityn bolady. Oǵan qosa ata-analarǵa jan basyna shaqqandaǵy ortasha tabysynyń AÁK aiyrmasy tólenedi.
Otbasynyń jiyntyq tabysyn esepteý kezinde jalaqy jáne jeke qosalqy sharýashylyq tabysy (jeke qosalqy sharýashylyqtardaǵy) eskeriletin bolady.
AÁK tóleý kezinde mynandai járdemaqylar esepke alynbaidy: tórt jáne odan kóp balalary bar kópbalaly otbasylarǵa; «Altyn Alqa» jáne «Kúmis Alqa» alǵan kópbalaly analarǵa; múgedektik boiynsha járdemaqy, sondai-aq stipendiia.
Sonymen qatar, «E-halyq» arqyly AÁK kórsetý rásimi ońailatylady (aýyldyq okrýg ákimderiniń sharýashylyq kitabynyń elektrondyq nusqasy arqyly).
AÁK-ti alý úshin tek otbasy múshesiniń jeke basyn kýálandyratyn jeke qujaty kerek.
«Azamattar tek AÁK alýǵa ótinish berýi kerek. Ary qarai memlekettik qyzmetker AÁK taǵaiyndaý úshin qujattardyń elektrondyq kóshirmesin alýǵa elektrondy júiege suranys jasaidy. Eger suranys anyqtalǵan jaǵdaida, jumysqa ornalasý jáne áleýmettik adaptatsiia boiynsha áleýmettik kelisimshart jasaidy», - dep málimdedi Jumyspen qamtý ortalyǵynda.
