Elordadaǵy aýla ishindegi shaǵyn azyq-túlik dúkenderi shtattyq rejimde jumys isteidi. Bul týraly Ortalyq kommýnikatsiialar qyzmetindegi brifingide Nur-Sultan qalalyq investitsiialar jáne kásipkerlikti damytý basqarmasynyń basshysy Erlan Bekmyrzaev aitty, dep habarlaidy QazAqparat.
«Aýla ishindegi shaǵyn azyq-túlik dúkenderi shtattyq rejimde jumys isteidi. Iaǵni, olardyń jumysyna eshqandai shekteý joq. Azyq-túlik emes taýarlar satatyn dúkender karantin kezinde jumysyn toqtatady», - dedi ol.
Sonymen qatar basqarma basshysy áleýmettik mańyzy bar azyq-túlik túrlerine shekti baǵa belgileý máselesi qarastyrylyp jatqanyn aitty.
«Bul másele keshe talqylandy. Ministrlikpen birge taiaý kúnderi áleýmettik mańyzy bar azyq-túlik túrlerine shekti baǵa belgileý týraly sheshim qabyldanady», - dedi Erlan Bekmyrzaev BAQ ókilderiniń saýalyna orai.
