Elorda politsiiasy jalǵa beriletin páterlerge qatysty alaiaqtyq jasaý kúdigimen 38 jastaǵy turǵyndy ustady, dep habarlaidy "Ult aqparat".
Polisia.kz portalynyń málimetinshe, jedel izdestirý sharalaryn júrgizý barysynda buǵan deiin alaiaqtyǵy úshin isti bolǵan 38 jastaǵy elorda turǵyny qolǵa tústi. Qazirgi ýaqytta atalǵan azamattyń ústinen jyljymaityn múlikke qatysty alaiaqtyqtyń 2 faktisi boiynsha sotqa deiingi tergeý amaldary júrgizilip jatyr.
Tergeý barysynda kúdiktiniń zardap shegýshilerge «Jalǵa beriletin páter» baǵdarlamasy aiasynda baspanaly bolýǵa ýáde bergeni jáne sol kómegi úshin aqsha alǵany anyqtaldy. Zardap shegýshiler onyń sózine senip, 205 myń teńge bergen.
«Osydan keiin kúdikti tanystarymen bailanysqa shyqpai qoiǵan. Úsh aidan keiin aldanǵandaryn túsingen zardap shegýshiler politsiiaǵa júgindi. Ustalǵan adam tergeý izoliatoryna qamaldy. QR Qylmystyq kodesiniń 190-babymen sotqa deiingi tergeý amaldary júrgizilip jatyr», - delingen taratylǵan aqparatta.
