Búgin Qazaqstan Respýblikasy Prezidentiniń kómekshisi – Qaýipsizdik Keńesiniń Hatshysy Qalmuhanbet Qasymovtyń tóraǵalyǵymen Qaýipsizdik Keńesiniń janyndaǵy Sarapshylyq keńesiniń «Qazaqstan Respýblikasyndaǵy aqparattyq qaýipsizdiktiń ózekti problemalary» atty otyrysy ótti.
Bul týraly Aqordanyń baspasóz qyzmeti habarlady.
Otyrysqa aqparattyq qaýipsizdikke jaýapty memlekettik organdardyń basshylary, Ál-Farabi atyndaǵy Qazaq ulttyq ýniversiteti jáne «Astana» halyqaralyq ýniversitetiniń ǵylymdar men sarapshylar, «Qazaqstandyq aqparattyq qaýipsizdik assotsiatsiiasy», «Qazaqstannyń internet Assotsiatsiiasy», «Qazaqstandyq media-aliansy», «Óńirlik BAQtardyń Aliansy», «Kibershabýyldardy zertteý jáne taldaý Ortalyǵy», sondai-aq, aqparattyq tehnikalyq qorǵaý quraldardy otandyq óndirýshiler qatysty.
Qalmuhanbet Qasymov aqparattyq qaýipsizdik eldiń ulttyq qaýipsizdiginiń basty dińgegi bolyp otyrǵanyna toqtaldy. Bul másele ekonomikalyq, qoǵamdyq, saiasi jáne basqa da salalarǵa áserin tigizedi.
Sarapshylar aqparattyq qaýipsizdik máselesin aqparattyq jáne kiberqaýipsizdik baǵyttarynda (aqparattyq resýrstardyń, bailanys arnalardyń jáne t.b. tehnikalyq qorǵaýy) talqylady.
Aqparat jáne qoǵamdyq damý ministrliginiń baiandamasynda bilikpen qoǵam arasyndaǵy dialogty nyǵaitý, qazaqstandyq BAQ-tardyń básekelestigin arttyrý jáne media keńistigin retteý zaman talaptaryna yńǵailaný máseleleri aityldy.
Qazaqstandyq media jáne internet-qaýymdastyǵynyń ókilderi dástúrli aqparat quraldaryna báseke retinde áleýmettik jelilerdiń de damyp jatqanyna kóńil aýdardy. Búgingi kúnde áleýmettik jeliler halyq úshin eń tanymal jáne qol jetimdi bailanys quraly ǵana emes, sonymen qatar jaǵymsyz áseri de az emes ekeni aityldy.
El ishinde turaqsyzdyq týyndatý maqsatynda qasaqana jalǵan aqparattar taratý máselesine erekshe nazar aýdardy. Bul máselege qatysty Sarapshylyq keńes media-qoǵamdastyqty aqparatty taratý muqiiat bolýǵa, jaýapkershiligin sezinýge shaqyrdy.
Tsifrlyq damý, qorǵanys jáne aeroǵarysh ónerkásibi ministri Asqar Jumaǵaliev Qazaqstannyń aqparattyq keńistiginiń ashyqtyǵyn atap ótti. «Tsifrly Qazaqstan», «Azamattarǵa arnalǵan úkimet» baǵdarlamalary júzege asyrylyp jatyr.
Sarapshylar bizdiń memlekettiń álemniń aqparattyq jáne tsifrlyq keńistigine birigýi de qosymsha qaýip-qaterler týdyratynyna toqtaldy. Naqty aitqanda, jeke azamattar ǵana emes, memlekettik organdar, qarjy uiymdar, tipti, strategiialyq nysandar kibershabýyldarǵa ushyrap jatady.
Otyrystyń sońynda Qaýipsizdik Keńesiniń Hatshysy Qalmuhanbet Qasymov Qazaqstannyń damý jolyndaǵy tarihi kezeńinde memleket pen qoǵamdyq institýttardyń ózara birlesip, syrtqy destrýktivti áserge jol bermei, aqparattyq keńistiktiń turaqty damýyn qamtamasyz etýdiń mańyzdylyǵyn atap ótti.
Sarapshylyq keńestiń qorytyndysy boiynsha otandyq mamandar Qaýipsizdik Keńesi úshin aqparattyq qaýipsizdik salasyndaǵy memlekettik saiasatty jetildirýge baǵyttalǵan keshendi keńester jiyntyǵyn usyndy.
