Nur-Sultan qalasynda Qazaqstan Respýblikasy Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń qoldaýymen «Búgingi kúnniń ákeleri» taqyrybyna V-shi respýblikalyq ákeler forýmy offlain jáne onlain formatta ótti, dep habarlaidy "Ult aqparat".
28 qazanynda ótken is-sharanyń maqsaty – áke institýtyn damytý, otbasylyq qundylyqty nyǵaitý, gender teńdigi jáne jas urpaqqa bilim berý máseleleri boiynsha múddeli taraptar úshin dialog alańyn qurý.
Forýmdy ashqan Senat depýtaty, Qazaqstan Respýblikasy Prezidentiniń janyndaǵy Áielder jáne otbasylyq-demografiialyq saiasat jónindegi ulttyq komissiia tóraǵasynyń orynbasary Lázzat Súleimen Prezident Qasym-Jomart Toqaev 2020 jylǵy 1 qyrkúiektegi Qazaqstan halqyna Joldaýynda áleýmettik qoldaý men qorǵaýyna, eldegi otbasylyq-demografiialyq jaǵdaidy jaqsartýyna, otbasy institýtyna erekshe nazar aýdarǵanyn, bul balaǵa otbasynda durys tárbie men laiyqty bilim berýdi, otbasynyń, qoǵamnyń jáne eldiń igiligi úshin adal ómir súrýge jáne jumys isteýge úiretýdi qalai qamtamasyz etý týraly taǵy bir ret oilaýǵa negiz ekenin atap ótti.
«Biylǵy jyldyń qiyndyǵyna qaramastan, basty maqsatymyz el ekonomikasyn nyǵaitý, azamattarymyzdyń ál-aýqatyn jaqsartý jáne jas urpaqty tárbieleý bolyp qala beredi. Áielder isteri jáne otbasylyq-demografiialyq saiasat jónindegi Ulttyq komissiia qoǵamda jáne otbasynda ákelik institýttyń rólin arttyrý jas urpaqty tárbieleýdegi mańyzdy mindetterdiń biri retinde qarastyrady», - dedi Lázzat Súleimen.
Forýmdy «Ákeler odaǵy» RQB tóraǵasy Maqsutbek Aitmaǵanbet júrgizdi. Forýmda «Ákeler odaǵy» RQB jáne «Bilim-Innovatsiia» HQQ 12-16 qazan aralyǵynda «Áke joly - izgi jol» atty «Ákeler aptalyǵy» onlain rejiminde ótti, sondai-aq Instagram jáne ZOOM platformasy arqyly, ótkizý tájiribesimen bólisti. Bul is-shara Qazaqstanda «Bilim-Innovatsiia» HQQ jáne «Daryn» RǴPO, Ákeler odaǵy RQB-nyń tikelei qoldaýymen alǵash ret uiymdastyryldy.
Apta ishinde respýblikanyń 70-ten astam mektep pen 2,5 myńnan astam belsendi áke baiqaýlar men týrnirlerge qatysty. Ákeniń bala tárbiesindegi bedelin arttyrý, otbasylyq qundylyqty damytýǵa serpin beretin taqyryptar talqylandy. Bul is-sharaǵa 600-den astam áke onlain rejimnde qatysty.
Forýmda otbasylyq tárbieniń ózekti máseleleri boiynsha ata-analar qaýymdastyǵy, otbasylardyń, balalardyń múddelerin qorǵaýǵa qatysatyn úkimettik emes uiymdar men memlekettik organdardyń arasynda syndarly dialog ótti. Osy baǵyttaǵy jumysty jaqsartý boiynsha naqty usynystar talqylandy.
