Búgin Sybailas jemqorlyqqa qarsy is-qimyl agenttigi Elbasynyń 2018 jyldyń 5 qazanyndaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyna sáikes júzege asyrylǵan «Adaldyq alańy» ulttyq jobasynyń jyldyq qorytyndysyn shyǵardy, dep habarlaidy "Ult aqparat".
«Adaldyq alańy» jobasyn iske asyrý tájiribesi jemqorlyqpen kúres boiynsha respýblika deńgeiinde úlgi qalyptastyrdy. Bul joba memleket pen qoǵam arasyndaǵy kópir ispetti. Qoǵam ókilderi jemqorlyqqa qarsy kúres saiasaty týraly pikirlerin bildirip qana qoimai, bul jobanyń iske asýyna ózderi de atsalysa alady», - deidi QR Prezidenti janyndaǵy Memlekettik basqarý akademiiasynyń rektory Erlan Ábil.
Joba aiasynda jemqorlyqqa qarsy kúres baǵytynda treningter ótkizý, lektsiia oqý, seminarlar ótkizilýde. Bul bastama kelesi jyly jańa formatta jalǵasyn tappaq.
«Saraptaý tobyna qoǵam belsendileri, saiasi partiia, Qazaqstan halqy Assambleiasynyń ókilderi, depýtat, jýrnalist, blogerler kiredi. Biznes protsesterdi, memlekettik qyzmetterdi avtomattandyrý jemqorlyqty azaitty.
Búgingi tańda 179 memlekettik qyzmet kórsetilse, onyń 56-sy avtomattandyrylǵan, qalǵany bólshektei avtomattandyrylǵan. Jyl basynan beri ákimdik tarapynan 3,8 mln memlekettik qyzmet elektrondy túrde kórsetildi. Bul 2017 jylǵy kórsetkishpen salystyrǵanda 5 ese kóp», - deidi Nur-Sultan qalasy ákiminiń orynbasary Máken Baqtiiar.
