Elordada «Abai álemi» ortalyǵy salynady. Bul týraly búgin Abaidyń 175 jyldyq mereitoiyn daiyndaý jáne ótkizý jónindegi memlekettik komissiia otyrysynda QR Premer-Ministriniń orynbasary Berdibek Saparbaev aitty, dep habarlaidy QazAqparat.
«Nur-Sultan qalasynda Abaidyń 175 jyldyq mereitoiyn ótkizýge bailanysty qala ákimshiligimen kelistik. Qazir qala ákimshiligi jer bóldi. Óz esebinen jobalyq-smetalyq qujat jasaýǵa kiristi. Bizge tapsyrma berseńiz, «Samuryq-Qazyna» jáne basqa da kompaniialardyń esebinen Nur-Sultan qalasynda «Abai álemi» degen úlken ortalyq salsaq degen oiymyz bar. Oǵan qosa, qala ákimshiligi óz esebinen Abai kóshesiniń boiynda uly aqynǵa qosymsha úlken eskertkish ornatatyn bolady», - dedi Berdibek Saparbaev.
Premer-Miinstrdiń orynbasary aqynnyń 175 jyldyq mereitoiyna orai mektepterde, oqý oryndarynda Abai álemine qatysty sabaqtar, sipoziýmdar, konferentsiialar siiaqty sharalar ótkizilý tiistigin aitty.
