Elordanyń sanitarlyq jaǵdaiyn jaqsartý maqsatynda qalanyń politsiia departamenti tabiǵatty qorǵaý bólimshesi abattandyrý qaǵidasyn buzǵandardy anyqtaýda. Bul týraly PD baspasóz qyzmetinen málim etti, dep habarlaidy "Ult aqparat".
Jyl basynan beri abattandyrý talaptaryn buzǵany úshin ákimshilik jaýapkershilikke 2021 quqyq buzýshy tartylyp, 36 mln teńgeden astam somaǵa aiyppul salyndy.
Atap aitqanda, 176 qurylys kompaniiasyna 11 mln teńgege, 110 merdiger uiymyna – 6,7 mln teńge, 126 qyzmet kórsetý uiymyna (PIK, JShS) – 4 mln teńge, 415 shaǵyn jáne orta biznes sýbektisine 3,9 mln teńge aiyppul salyndy.
Qoqysty ruqsatsyz basqa aýmaqtarǵa túsirgeni úshin 60-tan astam júrgizýshige 2,7 mln teńge, sondai-aq shaiyndy sýdy belgilenbegen jerge aǵyzǵany úshin 70-ke jýyq júrgizýshi 2,7 mln teńge somasynda aiyppul tóleitin boldy.
Budan bólek, qoqysty, sýsymaly qurylys materialdaryn jáne basqa da zattardy tiisti talaptardy saqtamai tasymaldaǵan 70-ten astam júrgizýshige 303 myń teńge, al joldyń ústin lastaǵan 20 júrgizýshige 193 myń teńge somasynda aiyppul jazyldy.
