Nur-Sultanda úshinshi toqsanda 70 myńǵa jýyq oqýshy dástúrli formatta bilim alatyn bolady, dep habarlaidy qala ákimdigi.
Búgin oqý jylynyń úshinshi toqsany bastaldy. Buǵan deiin jazǵanymyzdai qaladaǵy jekelegen mektep ǵimarattary 10 qańtarda ótken QR Parlamenti Májilisi men máslihattar sailaýynda daýys berý ýchaskeleri retinde paidalanyldy. Sailaý ótkennen keiin bilim ǵimarattarynda deziinfektsiialyq jumystar bastaldy.
Soǵan orai, 11 qańtarda astananyń barlyq oqýshysy onlain formatta oqydy. Ózge óńirlerde syndy elordada offlain oqý 12 qańtardan bastalady. Úshinshi toqsanda 1-5 synyp oqýshylary «kezekshi synyp» rejiminde oqýyn jalǵastyrady. Sonymen qatar osy toqsannan bastap bitirýshi – 9, 11, 12-inshi synyptar «kezekshi synyptar» qaǵidaty boiynsha aralas formatta (15 adamnan artyq emes) oqidy.
«Offlain sabaqtar kestesine invariantty komponent pánderi kiredi: qazaq tili men ádebieti, orys tili men ádebieti, shet tili, algebra, geometriia, fizika, himiia, biologiia, geografiia, Qazaqstan tarihy jáne dúniejúzi tarihy. Bul – oqý pánderiniń 70% quraidy. Qalǵan 30% pánder — informatika, ózin-ózi taný, dene shynyqtyrý, quqyq negizderi, alǵashqy áskeri jáne tehnologiialyq daiyndyq qashyqtan ótedi. Mektepter ikemdi kesteler ázirleidi, sabaqtar arasyndaǵy ózgerister ártúrli synyptar úshin túrli ýaqytta ótedi, áleýmettik qashyqtyq úshin aýysymdar men kishi aýysymdar kóbeiedi. Bir sabaqtyń ýaqyty 5 minýttyq úzilispen 30 minýttan aspaidy. Úshinshi toqsanda 70 myńǵa jýyq oqýshy mektepke barady», - dep naqtylady elorda ákimdiginen.
