Elordada 59 jer ýchaskesi memleket muqtajy úshin satyp alynady. Mundai sheshim búgin Nur-Sultan qalalyq máslihatynyń kezekten tys 76-shy sessiiasynda qabyldandy, dep habarlaidy QazAqparat tilshisi.
«Nur-Sultan qalalyq turǵyn úi jáne turǵyn úi inspektsiiasy basqarmasy Nur-Sultan qalalyq máslihatynyń sessiiasy qaraýyna 131 mln teńge somasynda jalpy aýdany 0,38 gektardy quraityn 9 nysan boiynsha 59 jer ýchaskesin satyp alý jónindegi sharttyń jobasyn usynady», - dedi Turǵyn úi jáne turǵyn úi inspektsiiasy basqarmasynyń basshysy Asylbek Esenbaev sessiia barysynda.
Onyń atap ótýinshe, satyp alynǵan jer ýchaskeleriniń ornyna kelesi nysandar salynady:
Birinshi - Táýelsizdik dańǵyly men Sharl de Gol kóshesiniń qiylysy aýdanyndaǵy mekenjaida ornalasqan japsarlasa salynǵan oryn-jailary men parkingi bar kóppáterli turǵyn úi kesheni.
Ekinshi - Qudaiberdiuly dańǵyly men Manas kóshesi qiylysynda ornalasqan japsarlasa salynǵan oryn-jaiy men parkingi bar kóppáterli turǵyn úi kesheni.
Úshinshi - S189 kóshesindegi 600-800 orynǵa arnalǵan kópsalaly aýrýhana.
Tórtinshi - Turan dańǵyly men №24 kóshesiniń qiylysynda ornalasqan mektep qurylysy.
Besinshi - Saryarqa dańǵyly boiyndaǵy kópirden bastap Kóktal turǵyn úi alabyna deiingi meken jaida ornalasqan Esil arnasy 5-shi kezeńiniń jaǵajai aýmaǵy bar №5 ýchaskesin qaita jańartý.
Altynshy - Qosshyǵululy jáne Jambyl kósheleri qiylysynda ornalasqan qosa salynatyn oryn-jailary jáne parkingi bar kóppáterli turǵyn úi kesheni.
Jetinshi - Altynsarin jáne Gete kósheleri qiylysy aýdanynda ornalasqan aýmaqty abattandyrý.
Segizinshi - Vishnevskii kóshesi №10 úi aýdanynda ornalasqan qubyr jelileri toraby nysany.
Toǵyzynshy - Qosshyǵululy kóshesi №8 úi aýdanynda ornalasqan aýmaqty abattandyrý.
«Barlyq jer ýchaskeleriniń menshik ieleri usynylǵan ótemaqy somasymen tanystyryldy. Jazbasha kelisimderi bar. Kelispegenderi qujattaryn komissiiaǵa usynǵan joq. Olar boiynsha satyp alý máselesi sot tártibimen sheshiletin bolady», - dedi Asylbek Esenbaev.
Osydan keiin máslihat depýtattary memleket muqtajy úshin jer ýchaskesin satyp alý jónindegi sharttyń jobasyn biraýyzdan qoldap daýys berdi.
