Elordada 17 sáýirden bastap AÁK alatyn otbasylardyń 1 jastan 6 jasqa deiingi balalaryna azyq-túlik jiyntyǵy men turmystyq himiia taýarlary beriledi, dep habarlaidy "Ult aqparat" qala ákimdigine silteme jasap.
Kepildendirilgen áleýmettik paket keste boiynsha «Magným» JShS saýda jelisiniń sýpermarketterinde beriledi. Jalpy kepildendirilgen áleýmettik paketpen 2,7 myńnan astam otbasyn, atap aitqanda 4,6 myń balany qamtý josparlanǵan. Áleýmettik paket alýshylar tiziminen JSN arqyly tekseredi. Kestede kepildendirilgen áleýmettik paketti qashan jáne qaida alý keregi kórsetilgen. Kepildendirilgen áleýmettik paketti berý ýaqyty saǵat 9:00-den 18:00-ge deiin.
Aita keteiik, qazirge deiin kepildendirilgen áleýmettik paket 1,6 myń otbasyna berilip, 2 myńnan astam bala qamtyldy. Sondai-aq Bizbirgemiz aktsiiasy aiasynda osy otbasylarǵa 50 bir rettik meditsinalyq maska berilip jatyr.
Kepildi áleýmettik kómek alýshylar kórsetilgen qoldaý úshin alǵys bildirýde.
«Tótenshe jaǵdai kezinde úkimet azamattarǵa qoldaý kórsetýde. Jyl basynan beri memleketten ekinshi ret kepildi áleýmettik kómek aldym. Ol azyq-túlik, balalarǵa arnalǵan tamaq jáne turmystyq himiiany qamtidy. Maǵan Nur Otan partiiasynan meditsinalyq maska jiyntyǵy berdi. Budan basqa, biz 42 500 teńge áleýmettik tólem aldyq. Mundai qiyn kúnderi bul halyq úshin úlken kómek. El basshylyǵyna alǵysymdy bildiremin», – dedi «Altyn alqa» iegeri Sholpan Qalyńǵaraeva.
Esterińizge sala keteiik, Memleket basshysy Qazaqstan halqyna Joldaýynda AÁK taǵaiyndaý tetigin onyń ashyqtyǵyn, ádildigin jáne eńbekke degen ýájdemesin qamtamasyz etý maqsatynda túzetýdi tapsyrǵan bolatyn. Memlekettik kómektiń jańa sharalary 2020 jyldyń 1 qańtarynan bastap keshende júzege asyrylady jáne oǵan kópbalaly otbasylarǵa arnalǵan jańa járdemaqy, AÁK jáne az qamtylǵan otbasylardaǵy balalarǵa arnalǵan kepildendirilgen áleýmettik paket kiredi.
