Elordada tórt myń litrden astam dizel otynyn zańsyz satý dereginiń joly kesildi, dep habarlaidy QazAqparat QR QMA baspasóz qyzmetine silteme jasap.
Munai jáne munai ónimderiniń zańsyz ainalymy bul memleket úshin de, azamattar úshin de aitarlyqtai ziian keltiretin joǵary tabysty biznes.
Birinshiden, sapasyz otyn shyǵaryndylarymen lastanǵan qorshaǵan ortaǵa zardap tiedi.
Ekinshiden, memlekettik biýdjetke munai kiristeri men alymdary tolyq tólenbeidi.
Úshinshiden, suiyltylǵan benzin men dizelden qozǵaltqyshtary buzylǵan tutynýshylar úshin problemalar týyndaidy.
Qarjylyq monitoring agenttiginiń Nur-Sultan qalasy boiynsha aýmaqtyq departamenti dizel otynyn zańsyz saqtaý jáne satý deregi boiynsha qylmystyq isti tergeýdi aiaqtady.
Máselen, N.Muqanov 2021 jyldyń qańtar-maýsym ailary aralyǵynda júk kólikteriniń júrgizýshilerinen dizel otynyn naryqtyq baǵadan tómen baǵamen satyp alǵan. Bul rette, olardyń shyǵý teginiń zańdylyǵyn rastaityn qujattar bolǵan joq.
Sodan keiin dizel otynyn ilespe júkqujattarsyz jáne basqa qajetti qujattarsyz joǵary baǵamen satyp otyrǵan.
Jedel-izdestirý sharalaryn júrgizý kezinde 4,6 tonna dizel otyny tárkilendi.
N.Muqanov 3 jylǵa shartty túrde bas bostandyǵynan aiyryldy.
