Elordada dezinfektsiialaý sharalary júrgizilip jatyr, dep habarlaidy "Ult aqparat" qala ákimdigine silteme jasap.
11 mamyrdan bastap qala turǵyndaryna barlyq sanitarlyq erejelerdi qatań saqtap, saiabaqtarǵa, alańdar men skverlerge barýǵa ruqsat etildi. Osyǵan orai joǵaryda atalǵan oryndardyń aýmaǵynda kúsheitilgen dezinfektsiia jasalyp jatyr.
Turǵyndar áleýmettik qashyqty qatań saqtaýy, maska kiiýi, toptanyp jinalmaýy tiis. Elordany óńdeý birneshe kezeńde júrgiziledi.
Qazir barlyǵy 20 mln sharshy metrden astam aýmaq dezinfektsiialandy. Dezinfektsiia jaiaý jáne arnaiy mashinalar kómegimen júrgiziledi. Sondai-aq áleýmettik nysandar, bazarlar, saýda-oiyn saýyq ortalyqtary, aýlalar, balalar alańdary, úilerdiń kireberisteri jáne adamdar kóp jinalatyn basqa da oryndar kúsheitilgen rejimde óńdelýde.
