Nur-Sultan qalasynyń ákimdigi Naýryz merekesi qarsańyndaǵy aýqymdy sharalar ótpeitinin jariialap, adam jinalatyn josparly is-sharalardy uiymdastyrmaýǵa shaqyrdy, dep habarlaidy "Ult aqparat".
«Búgingi tańda koronavirýstyń álemdik pandemiia bolyp jariialanýyna jáne Memleket basshysy Qasym-Jomart Toqaevtyń arnaiy aldyn alý sharalaryn iske asyrý týraly málimdemesine bailanysty elordada barlyq buqaralyq is-sharalar uiymdastyrylmaidy. Sondai-aq 18 naýryzǵa josparlanǵan «Qazaq eli» monýmenti alańynda, qalalyq alańda, «Jazýshylar» alleiasynda, «Astana» kontsert zalyndaǵy sharalar da ótkizilmeidi», - dep habarlady qala ákiminiń baspasóz hatshysy Aqmaral Oljabaeva.
Onyń habarlaýynsha, Q.Qýanyshbaev atyndaǵy memlekettik akademiialyq qazaq mýzykalyq-drama teatry, M. Gorkii atyndaǵy memlekettik akademiialyq orys teatry men Qýyrshaqtar teatrynda da spektaklderdiń qoiylymy bolmaidy.
Sonymen qatar qala basshylyǵy bazar, saýda-oiyn-saýyq ortalyǵy, saýda úii syndy nysandardyń ishinde jáne aýmaǵynda is-sharalar ótkizbeýdi usynady.
Eske sala ketsek búgin Memleket basshysy Qasym-Jomart Toqaev Naýryz merekesine arnalǵan sharalardy jáne áskeri paradty ótkizbeý jóninde tapsyrma bergen bolatyn.
