Nur-Sultan qalasynyń máslihatynda Biýdjet, ekonomika, ónerkásip jáne kásipkerlik máseleleri jónindegi turaqty komissiianyń otyrysy ótti, dep habarlaidy QazAqparat.
Otyrys barysynda elordada 107,9 mlrd teńgege qarjylyq buzýshylyqtar bolǵany anyqtaldy.
«2020 jyly 68 nysanda jalpy qamtý somasy 575,3 mlrd teńgeni quraityn 12 aýditorlyq sharanyń qorytyndysy shyǵaryldy. Anyqtalǵan qarjylyq buzýshylyqtardyń jalpy somasy 107,9 mlrd teńgeni qurady», - dedi Nur-Sultan qalasy boiynsha Tekserý komissiiasynyń tóraǵasy Imanjúsip Aqpombaev.
Sonymen birge spiker tekserý barysynda qandai buzýshylyqtar anyqtalǵanyn aityp berdi.
«Qarjylyq buzýshylyqtar – 28,5 mlrd teńgeni, biýdjet qarajaty men aktivterdi tiimsiz paidalaný – 27,8 mlrd teńgeni, tiimsiz josparlaý – 51,7 mlrd teńgeni nemese 47,9%-dy quraǵan. Sondai-aq, rásimdik sipattaǵy 1 553 jáne júieli túrde jasalǵan 479 buzýshylyq anyqtaldy», - dep naqtylady Imanjúsil Aqpombaev.
