Nazarbaev intellektýaldyq mektebiniń 1032 oqýshysy tórt kúi oryndap shyqty. Endi mektep oqýshylary Ginness rekordtar kitabyna enbek, - dep habarlaidy Tengrinews.kz agenttigi.
Bul týraly mekteptiń Instagram-paraqshasynda jazylǵan. 24 mamyrda elordadaǵy fizika-matematika baǵytyndaǵy Ziiatkerlik mektepte dombyra sabaǵy ótti. Ony Ginness rekordtar kitabyna "Eń aýqymdy dombyra sabaǵy" onlain rekordy retinde engizý josparlanyp otyr.
2021-2022 oqý jyly fizika-matematika baǵytyndaǵy Nazarbaev Ziiatkerlik mektebinde dombyra sabaǵymen aiaqtalady, oǵan 1032 oqýshy qatysady. Sabaqty qosymsha bilim berý pedagogy, Qazaqstan Respýblikasynyń eńbek sińirgen mádeniet qairatkeri Aitjan Toqtaǵan ótkizedi. Oqýshylar "Saryarqa", "Balbyraýyn", "Erkem-ai", "Keńes", "Jastar bii" syndy tanymal kúilerdiń shyǵý tarihyn baiandaýmen qatar týyndylardy oryndady.
Guinness World Records-qa (GWR) ótinim 2021 jyldyń jeltoqsan aiynda berilgen. Ginness rekordtar kitabynyń talaptary boiynsha aýqymdy sabaqty 25-ten asa stiýard pen 2 kýáger qadaǵalaidy. Árbir 50 qatysýshyny bir táýelsiz stiýard baqylap, jazba aimaǵynan shyqqan nemese qajetti áreketti oryndamaǵan belgili toptaǵy kez-kelgen qatysýshyny diskvalifikatsiialaý jumysyn júrgizedi. Kýágerler GWR-diń senimdi ókili retinde qyzmet atqaryp, rekordtyń ornaýyn qadaǵalaidy.
Dombyra sabaǵyn mekteptiń myńǵa jýyq oqýshysynyń meńgerip, ult aspabyn tartýy álemdegi tuńǵysh oqiǵa. Dombyra sabaǵy - bir mektepten 1000-nan astam oqýshy ulttyq aspapta oinaityn álemdegi jalǵyz/alǵashqy oqiǵa. Qazaqstandyq rekord asa kórnekti jetistikter men biregei qubylystar týraly jahandyq anyqtamalyqqa engiziledi dep josparlanyp otyr.
