نازارباەۆ ينتەللەكتۋالدىق مەكتەبٸنٸڭ 1032 وقۋشىسى تٶرت كٷي ورىنداپ شىقتى. ەندٸ مەكتەپ وقۋشىلارى گيننەسس رەكوردتار كٸتابىنا ەنبەك, - دەپ حابارلايدى Tengrinews.kz اگەنتتٸگٸ.
بۇل تۋرالى مەكتەپتٸڭ Instagram-پاراقشاسىندا جازىلعان. 24 مامىردا ەلورداداعى فيزيكا-ماتەماتيكا باعىتىنداعى زيياتكەرلٸك مەكتەپتە دومبىرا ساباعى ٶتتٸ. ونى گيننەسس رەكوردتار كٸتابىنا "ەڭ اۋقىمدى دومبىرا ساباعى" ونلاين رەكوردى رەتٸندە ەنگٸزۋ جوسپارلانىپ وتىر.
2021-2022 وقۋ جىلى فيزيكا-ماتەماتيكا باعىتىنداعى نازارباەۆ زيياتكەرلٸك مەكتەبٸندە دومبىرا ساباعىمەن اياقتالادى, وعان 1032 وقۋشى قاتىسادى. ساباقتى قوسىمشا بٸلٸم بەرۋ پەداگوگى, قازاقستان رەسپۋبليكاسىنىڭ ەڭبەك سٸڭٸرگەن مەدەنيەت قايراتكەرٸ ايتجان توقتاعان ٶتكٸزەدٸ. وقۋشىلار "سارىارقا", "بالبىراۋىن", "ەركەم-اي", "كەڭەس", "جاستار بيٸ" سىندى تانىمال كٷيلەردٸڭ شىعۋ تاريحىن بايانداۋمەن قاتار تۋىندىلاردى ورىندادى.
Guinness World Records-قا (GWR) ٶتٸنٸم 2021 جىلدىڭ جەلتوقسان ايىندا بەرٸلگەن. گيننەسس رەكوردتار كٸتابىنىڭ تالاپتارى بويىنشا اۋقىمدى ساباقتى 25-تەن اسا ستيۋارد پەن 2 كۋەگەر قاداعالايدى. ەربٸر 50 قاتىسۋشىنى بٸر تەۋەلسٸز ستيۋارد باقىلاپ, جازبا ايماعىنان شىققان نەمەسە قاجەتتٸ ەرەكەتتٸ ورىنداماعان بەلگٸلٸ توپتاعى كەز-كەلگەن قاتىسۋشىنى ديسكۆاليفيكاتسييالاۋ جۇمىسىن جٷرگٸزەدٸ. كۋەگەرلەر GWR-دٸڭ سەنٸمدٸ ٶكٸلٸ رەتٸندە قىزمەت اتقارىپ, رەكوردتىڭ ورناۋىن قاداعالايدى.
دومبىرا ساباعىن مەكتەپتٸڭ مىڭعا جۋىق وقۋشىسىنىڭ مەڭگەرٸپ, ۇلت اسپابىن تارتۋى ەلەمدەگٸ تۇڭعىش وقيعا. دومبىرا ساباعى - بٸر مەكتەپتەن 1000-نان استام وقۋشى ۇلتتىق اسپاپتا وينايتىن ەلەمدەگٸ جالعىز/العاشقى وقيعا. قازاقستاندىق رەكورد اسا كٶرنەكتٸ جەتٸستٸكتەر مەن بٸرەگەي قۇبىلىستار تۋرالى جاھاندىق انىقتامالىققا ەنگٸزٸلەدٸ دەپ جوسپارلانىپ وتىر.
