Nur-Sultanda jańbyrdan keiin kóshelerdi sýdan tazartýmen 100-den astam arnaiy mashina (assenizatorlyq mashinalar men motopompalar) ainalysýda.
Qala ákimdiginen málim etkendei, jalpy 3370 tekshe metr sý sorylyp, 18 myń tekshe metr sý tazartý qurylǵylary arqyly ótti.
«Aita ketý kerek, biyl jazda B.Momyshuly dańǵylyndaǵy sý basý máselesi sheshiledi. Munda jaýyn-shashyn kanalizatsiiasynyń magistraldy kollektorynyń qurylysy bastaldy. Nóser káriziniń uzyndyǵy — 500 metr (Daýylpaz kóshesinen Elim-ai kóshesine deiin, B. Momyshuly dańǵyly arqyly ótedi). Qozǵalys shekteldi. Qurylys jumystary biyl jazda aiaqtalady. Ýchaskeni sý basý máselesi tolyq sheshiledi», - dedi ákimdikten.
Sonymen birge «Jastar» shaǵynaýdanynda (Táshenov jáne Aman kósheleriniń qiylysy) tazartý qurylǵylaryn tóseý jumystary júrgizilýde. Atalmysh shaǵynaýdandaǵy jańa qurylǵylardyń qýaty táýligine 42 myń tekshe metrden asady.
«Bul, jaýyn-shashyn kanalizatsiiasynyń ótkizý qabiletin aitarlyqtai jaqsartýǵa múmkindik beredi. Tazartý qurylǵylary Táshenov, Baraev, Ýálihanov, Imanbaev jáne Respýblika dańǵyldaryn jaýyn sýynan qorǵaityn bolady. Tazartý qurylǵylary jer astynda ornalasqandyqtan, qurylǵy ústindegi aýmaqta abattandyrý jumystaryn júrgizý, shaǵyn sáýlet nysandaryn ornatý qarastyrylǵan. Qurylys jumystaryn 2021 jyly aiaqtaý josparlanyp otyr», - dedi elorda ákimdiginen.
Atap ótilgendei, 2019 jyly Myńjyldyq alleiasy aýmaǵynda eki ýchaskede jaýyn sýynyń jinalmaý túiitkili sheshildi.
