Nur-Sultanda №1 avtobýs parki karantinge jabyldy, dep habarlaidy "Ult aqparat" qala ákimdigine silteme jasap.
«Monitoring barysynda №1 avtobýs parkiniń qyzmetkeri koronavirýs juqtyrǵan adammen bailanysta bolǵany anyqtaldy. Qyzmetkerler men jolaýshylardyń qaýipsizdigin qamtamasyz etý úshin avtopark karantinge jabyldy. Avtopark pen avtobýstar dezinfektsiiadan ótti. Qyzmetkermen jaqyn qarym-qatynasta bolǵandardyń bir bóligi statsionarǵa jatqyzylsa, qalǵandary úi karantininde», - dedi ákimdikten.
Aita keteiik, 27 naýryzdan bastap elordada jolaýshylarǵa avtobýstyń aldyńǵy esigi arqyly kirýge tyiym salyndy. Júrgizýshiler otyratyn jer arnaiy lentamen qorshaldy. Qolma-qol aqsha tóleýge bolmaidy. Qolma-qol aqshasyz tólemder ǵana qabyldanady. (Búgingi tańda qolma-qol aqshasyz tólem úlesi 98% quraidy).
26 naýryzdan beri avtobýstar keshki saǵat 19.00-ge deiin ǵana júredi.
28 naýryzdan bastap karantindik aimaqta ornalasqan barlyq qala mańyna qatynaityn avtobýstardyń qozǵalysy ýaqytsha toqtatyldy. Olar Qosshy, Taitóbe, Jibek joly, Talapker, Qoiandy, Qyzylsýat, Y.Altynsarin, «Nurly» saiajai kentteri (№ 301, 302, 303, 304, 306, 307, 313, 314, 319, 320, 321, 322, 326).
QR Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiianyń sheshimine sáikes 28 naýryz saǵat 00.00-den bastap, birqatar qosymsha qatań sharalar bekitildi: 1. Azyq-túlik, dári-dármek satyp alýdy jáne jumysqa barýdy qospaǵanda, azamattardyń turǵyn úiden shyǵýyn shekteý; 2. Halyq kóp jinalatyn oryndardy jabý (saiabaqtar, skverler, jaiaý júretin kósheler, jaǵalaýlar, oiyn alańdary jáne t. b.); 3. Qoǵamdyq kólik jumysyn kezeń-kezeńmen shekteý; 4. Kóshelerde jáne basqa da qoǵamdyq oryndarda úsh adamnan artyq toptasyp jinalýǵa tyiym salý (otbasy múshelerinen basqa); 5. Kámelettik jasqa tolmaǵandardyń úlkendersiz syrtta júrýine tyiym salý.
