Nur-Sultan qalasynyń qoǵamdyq keńes múshelerine astananyń biylǵa naqtylanǵan biýdjet jobasyn tanystyrǵan ekonomika jáne biýdjettik josparlaý basqarmasynyń basshysy Qaisar Mańqaraev «Elorda jastary» baǵdarlamasyna qosymsha qarjy bólýdi usyndy, dep habarlaidy QazAqparat.
«Turǵyn úi jáne turǵyn úi inspektsiiasy basqarmasyna memlekettik baǵdarlama boiynsha turǵyn úilerdi jylý energeiiasymen qamtamasyz etýge, «Elorda jastary» baǵdarlamasy boiynsha jas mamandarǵa jeńildikpen kredit berýdi jalǵastyrýǵa qosymsha 353,2 mln teńge kózdelip otyr», - dedi ákimdik ókili.
Onyń aitýynsha, el astanasyn jasyl beldeýmen kómkerý sharalaryna bólinetin qarajattyń kólemin naqtylaý qajet.
«Qorshaǵan ortany qorǵaý jáne tabiǵatty paidalaný basqarmasyna qorshaǵan ortany qorǵaý jónindegi is-sharalarǵa, kópjyldyq jasyl ekpelerdi kútip ustaýǵa, qalany abattandyrýǵa biýdjet ákimshiligi baǵdarlamasy arqyly 1 mlrd 600 mln teńge kózdeý usynylyp otyr», - dedi basqarma basshysy.
Sondai-aq, ol qalanyń ár aýdanyna buryn bekitilgen biýdjet ústine qosymsha qansha qarajat qarastyrý kerektigin aitty.
«Almaty aýdany ákiminiń apparatyna kóshelerdi jaryqtandyrýǵa, aýlalardy abattandyrýǵa, qoldanystaǵy aialdamalarǵa qyzmet kórsetýge jáne qoǵamdyq keńistikti jaiǵastyrýǵa qosymsha 3 mlrd 400 mln teńge qarastyrý usynylyp otyr.
Baiqońyr aýdany ákiminiń apparatyna aýlalardy abattandyrýǵa jáne qoǵamdyq keńistikti jaiǵastyrýǵa qosymsha 1 mlrd 665 mln teńge qarastyrylady.
Esil aýdany ákiminiń apparatyna aýlalardy abattandyrý jáne qoǵamdyq keńistikti jaiǵastyrýǵa 2 mlrd 180 mlrd teńge bólý usynylady.
Saryarqa aýdany ákiminiń apparatyna 2 mlrd 588 mln teńge qarastyrylyp otyr», - dedi Qaisar Mańqaraev.
Onyń sózine qaraǵanda, bul aqsha aýdannyń aryq-naýa júiesin jáne sý ótkizý qubyrlaryn jaryqtandyrýǵa, aýlalardy abattandyrýǵa jáne qoǵamdyq keńistik jaiǵastyrýǵa abǵyttalmaq.
