Elorda turǵyny jabaiy elikti qutqaryp aldy. Bul týraly Ekologiia, geologiia jáne tabiǵi resýrstar ministrliginiń Orman sharýashylyǵy jáne janýarlar álemi komitetiniń baspasóz hatshysy Sáken Dildahmet Facebook paraqshasynda jazdy, dep habarlaidy "Ult aqparat".
Onyń jazýynsha, Aqmola oblystyq Orman sharýashylyǵy jáne janýarlar álemi aýmaqtyq inspektsiiasyna iKomek 109 qyzmetinen qońyraý kelip túsken.
«Nurlan esimdi elorda turǵyny men onyń áieli Shanhai bazary turǵan tasjoldyń boiynda adasyp ketken elikti kórip, ustap alǵan. Qarly boran kezinde elik adasyp, jolǵa shyǵyp ketken. Osydan keiin elik jaqyn mańdaǵy mal bazaryna jetkizilgen. Olar bul týraly 101 jáne 109 qutqarý qyzmetine habarlady», - delingen habarlamada.
Orman sharýashylyǵy jáne janýarlar dúniesi aýmaqtyq inspektsiiasynyń mamandary dereý atalǵan orynǵa shyǵyp, eliktiń jaǵdaiyn tekserip, ony «Jasyl aimaq» RMK Qyzyljar orman sharýashylyǵyna jibergen.
«Biz Nurlan men onyń jubaiyna, Nur-Sultan qalasynyń qutqarý qyzmetine alǵys aitamyz. Dostar, eger siz jabaiy janýardy kórseńiz nemese ustasańyz, bizge nemese qutqarý qyzmetterine habarlańyz. Tabiǵatty aialaiyq!» - dep jazǵan Sáken Dildahmet qala turǵyndaryna úndeý tastady.
