Elorda politseileri bas qalaǵa kokainniń sintetikalyq analogyn jetkizýshilerdi ustady. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
«Ishki ister ministrligi Nur-Sultan qalasyna kokainniń sintetikalyq analogyn jetkizý arnasynyń jolyn kesti. Ministrliktiń áskeri tergeý basqarmasynyń qyzmetkerleri turǵyndardan esirtki men psihotroptyq zattardy satý týraly jedel aqparat alǵan. Bas áskeri prokýratýranyń úilestirýimen, jedel izdestirý sharalary men úidi tintý barysynda kúdiktilerden psihotropty zat - kokainniń sintetikalyq analogy tárkilendi», - dedi N. Oraz ministrliktiń onlain ótken baspasóz máslihatynda.
Onyń aitýynsha, kúdikti internet resýrstardy paidalana otyryp eskirtkini satyp kelgen.
«Tergeý barysynda elordanyń 32 jastaǵy turǵyny Almatydan psihotroptyq zattardy jetkizýdi jáne olardy internet-resýrstardy paidalana otyryp, Nur-Sultanda satýdy uiymdastyrǵany anyqtaldy. Qazirgi ýaqytta 4 kúdikti, onyń ishinde 25 jastaǵy qyz ustalyp, megapolistegi izoliatorǵa qamaldy. QR QK 297-babynyń 3-bóligi boiynsha sotqa deiingi tergeý júrgizilýde», - deidi ol.
IIM resmi ókiliniń málimdeýinshe, atalǵan qylmys úshin jaza múlkin tárkilei otyryp, 15 jylǵa deiin bas bostandyǵynan aiyrýdy kózdeidi. Tergeý jumystary jalǵasyp jatyr.
