Elordada koronavirýstyń birinshi komponentimen 452 myńnan astam azamat ekpe aldy. Oqý jylynyń basynan bastap vaktsinatsiialanǵandardyń qataryn oqýshylardyń ata-analary jii tolyqtyra bastady, dep habaarlaidy "Ult aqparat" qala ákimdiginiń resmi saityna silteme jasap.
«Vaktsinatsiia pýnktterin aralaý kezinde ekpe alý úshin otbasy bolyp keletinderdi baiqadym: ata-analary, baýyrlary, ápkeleri, úlken kisiler. Muny kórip biz tań qaldyq, óitkeni bul azamattardyń óz densaýlyǵyna, ásirese balalaryna degen alańdaýshylyǵy artýyn bildiredi. Oqý jyly bastaldy, bul protsedýrany keiinge qaldyrýǵa bolmaidy. Sebebi balalar arasynda aýrý paida bola bastady, aýyr zardaptarǵa jol bermeý kerek. Árine, balalardy mektepke tek muǵalimderdiń, oqytýshylardyń ózderi ekpe alǵan kezde ǵana jiberýge bolady. Búgin Nur-Sultan mektepterinde búkil ujym vaktsinatsiialandy», - deidi Qoǵamdyq densaýlyq saqtaý basqarmasy basshysynyń orynbasary Áliia Rústemova.
Vedomstvo sonymen qatar kúzdiń bastalýymen maýsymdyq juqpaly aýrýlar sany artyp kele jatqanyn atap ótti. Sondyqtan qazir ózińizdi qorǵaý jáne infektsiiaǵa qarsy vaktsinatsiialaý óte mańyzdy.
«Kópshilik biletindei, kúzde JRVI, tumaý aýrýy bastalady. Kúzde biz balalarǵa aldyn alý úshin mantý jasaimyz, azamattardy tumaýǵa qarsy vaktsinatsiialaimyz, qazan aiynda basqa da profilaktikalyq tekserýler júrgiziledi. Ózińizdi aýrýlardan qorǵaý úshin ekpeni ýaqytyly alý kerek. Tájiribe kórsetkendei, basqa juqpaly aýrýlar myńdaǵan adamnyń ómirin qiǵan KVI siiaqty qaýipti emes», - dep atap ótti basqarmada.
Ekpe arqyly ǵana densaýlyqty qorǵaýǵa, pandemiiany jeńýge, ujymdyq immýnitetti qalyptastyrýǵa bolady.
