Chellendj «Biz birgemiz!» aktsiiasy aiasynda ótýde, dep habarlaidy Nur-Sultan qalasy ákimdiginiń resmi saity.
Elordanyń JOO stýdentteri jappai fleshmob uiymdastyrdy. Tótenshe jaǵdai rejimi engizilgennen keiin 16 oqý orny qashyqtan oqytýǵa kóshti. Bos ýaqytyn tiimdi ótkizý úshin jastar salaýatty ómir saltyn qoldaý aktsiiasyn bastady. Joǵary oqý oryndary men kolledj oqýshylary áleýmettik jelide jattyǵý videolaryn jariialady. Jattyǵýlarǵa oryndyqtar, sý quiylǵan bótelkeler, doptar, basqa da qoljetimdi zattar paidalanylýda. «Biz birgemiz» aktsiiasy aiasynda «Táni saýdyń – jany saý» chellendji ótýde.
Fleshmobtyń maqsaty – bos ýaqytty densaýlyqqa paidaly ótkizý», – deidi jastar isi jónindegi komitet tóraǵasy, «Turan-Astana» ýniversitetiniń magistri Temirlan Qaiyrjanov. Aita ketý kerek, aktsiiaǵa elorda jastary belsendi qatysýda. Al fleshmobqa dene shynyqtyrý pániniń muǵalimi bastamashy boldy.
«Karantinge bailanysty biz, ekonomikalyq ýniversitetiniń stýdentteri salaýatty ómir saltyn nasihattaý úshin fleshmob ótkizýge jinaldy. Onyń bastamashysy dene shynyqtyrý pániniń muǵalimi boldy. Biz estafetany barlyq basqa ýniversitetterge joldap, qazaqstandyqtardy sportpen shuǵyldanýǵa shaqyramyz», – dedi Nur-Sultan qalasynyń KazEQHSÝ (Ekonomikalyq ýniversitet) stýdenti Sábit Ramazan.
