Elordada er adam shirkeýde urlyq jasaý kúdigimen ustaldy. Bul jaiynda Nur-Sultan qalalyq politsiia departamentinen málim etti, dep habarlaidy QazAqparat.
«Jedel is-sharalar júrgizý barysynda Nur-Sultan qalasy shirkeýleriniń birinen urlyq jasady degen kúdikpen 33 jastaǵy er adam ustaldy. Atalǵan urlyq faktisi jaily politsiiaǵa shirkeýdiń qyzmetkeri habar bergen», - delingen departament málimetinde.
Vedomstvo aqparatyna qaraǵanda, kúdikti saǵat 13:00 shamasynda dosymen birge Kúishi Dina kóshesinde ornalasqan shirkeýge jylyný syltaýymen kirgen. Sodan ústeldiń ústinde «Samsýng» markaly uialy telefonyn kóredi. Kúdikti eshkim baiqamai turǵan sátti paidalanyp, uialy telefondy urlap ketedi. Keltirilgen shyǵyn kólemi 60 myń teńgeni quraidy.
«Ury dál sol kúni turǵylyqty jerinde ustalyp, qylmysyn moiyndady. Kúdiktige qatysty sotqa deiingi tergeý júrgizilip jatyr. Onyń elorda aýmaǵynda osyǵan uqsas buryn jasalǵan qylmystarǵa qatysy tekserilýde», - dep atap ótedi departamentten.
