Elorda mektepteriniń 2-toqsandaǵy jumysyna eshqandai ózgeris engizilmeidi. Bul týraly Nur-Sultan qalalyq bilim basqarmasynan málim etti, dep habarlaidy "Ult aqparat".
«Qazirgi tańda Nur-Sultan qalasy «sary qaýipti aimaqta» ornalasýyna bailanysty jalpy bilim beretin mektepterde 5 synyp, al halyqaralyq mektepterde 7 synypqa deiingi oqýshylar úshin kezekshi synyptar ashý josparlanǵan joq. Kezekshi 5 synyptardyń jumys isteý máselesi vedomstvoaralyq komissiianyń kezekti otyrysynda sheshiletin bolady. Ekinshi toqsanda mektepterdiń jumysyna eshqandai ózgeris engizilmeidi», - dedi basqarmadan.
2-toqsanda qala mektepteri barlyq sanitarlyq talaptardy saqtai otyryp, 1-4 synyp oqýshylary úshin 15 baladan aspaityn kezekshi synyptarmen jumys isteidi.
«Bilim berý uiymdarynyń jumys tártibi epidemiologiialyq ahýalǵa bailanysty. Ata-analar men oqýshylar qosymsha habarlanatyn bolady», - dep atap ótedi vedomstvodan.
