ەلوردا مەكتەپتەرٸنٸڭ 2-توقسانداعى جۇمىسىنا ەشقانداي ٶزگەرٸس ەنگٸزٸلمەيدٸ. بۇل تۋرالى نۇر-سۇلتان قالالىق بٸلٸم باسقارماسىنان مەلٸم ەتتٸ, دەپ حابارلايدى "ۇلت اقپارات".
«قازٸرگٸ تاڭدا نۇر-سۇلتان قالاسى «سارى قاۋٸپتٸ ايماقتا» ورنالاسۋىنا بايلانىستى جالپى بٸلٸم بەرەتٸن مەكتەپتەردە 5 سىنىپ, ال حالىقارالىق مەكتەپتەردە 7 سىنىپقا دەيٸنگٸ وقۋشىلار ٷشٸن كەزەكشٸ سىنىپتار اشۋ جوسپارلانعان جوق. كەزەكشٸ 5 سىنىپتاردىڭ جۇمىس ٸستەۋ مەسەلەسٸ ۆەدومستۆوارالىق كوميسسييانىڭ كەزەكتٸ وتىرىسىندا شەشٸلەتٸن بولادى. ەكٸنشٸ توقساندا مەكتەپتەردٸڭ جۇمىسىنا ەشقانداي ٶزگەرٸس ەنگٸزٸلمەيدٸ», - دەدٸ باسقارمادان.
2-توقساندا قالا مەكتەپتەرٸ بارلىق سانيتارلىق تالاپتاردى ساقتاي وتىرىپ, 1-4 سىنىپ وقۋشىلارى ٷشٸن 15 بالادان اسپايتىن كەزەكشٸ سىنىپتارمەن جۇمىس ٸستەيدٸ.
«بٸلٸم بەرۋ ۇيىمدارىنىڭ جۇمىس تەرتٸبٸ ەپيدەميولوگييالىق احۋالعا بايلانىستى. اتا-انالار مەن وقۋشىلار قوسىمشا حابارلاناتىن بولادى», - دەپ اتاپ ٶتەدٸ ۆەدومستۆودان.
