Nur-Sultanda táýlik ishinde 93 jol-kólik oqiǵasy tirkeldi, dep habarlaidy QazAqparat Nur-Sultan qalasy politsiia basqarmasynyń baspasóz qyzmetine silteme jasap.
Elordanyń politsiia basqarmasy kún raiy jaǵdaiynyń qubylyp, buzylýyna bailanysty júrgizýshilerdi jol qozǵalysy kezinde qyraǵy bolyp, qaýipsizdik sharalaryn saqtaýǵa, kólik júrgizý kezinde túrli gadjetter, sonyń ishinde uialy telefon ustamaýǵa úndeidi.
Qala kóshelerinde qar tazalaý jumystary táýlik boiy uiymdastyrylǵan.
«Júrgizýshilerdi jolda abai bolyp, kólikterin jol jieginde qaldyrmaýyn, qoǵamdyq kólik qozǵalysyna, qar tazalaý tehnikasynyń jumysyna kedergi keltirmeýin suraimyz.
Júrgizýshiler úshin jolda eń qaýiptisi - muz qatqan jol. Sondyqtan jolda jyldamdyq rejimin, qaýipsiz qashyqtyq jáne manevrleý erejelerin saqtaý kerek.
Sondai-aq, joldan ótip júrgen nemese jol jiegimen kele jatqan jaiaý júrginshlerge de muqiiat bolý qajet», - delningen politsiianyń habarlamasynda.
