Qala mańaiyndaǵy aýyldyń turǵyny «102» nómirine habarlasyp, óziniń qonai úide ekenin jáne qolynda granatasy bar jaldamaly kisi óltirýshi ekenin málimdegen, dep habarlaidy "Ult aqparat" elordalyq PD-niń baspasóz qyzmetine silteme jasap.
Tekseris barysynda politsiia qyzmetkerleri qaýipti jáne tyiym salynǵan zattardy tappaǵan. Jedel-izdestirý sharalary kezinde granata týraly habarlaǵan adam ustaldy. Ol mas kúidegi 40 jastaǵy er adam bolyp shyqty.
Tergeý barysynda kúdiktiniń buryn birneshe ret sottalǵany jáne politsiiada tirkeýde turǵany anyqtaldy.
Aitýynsha, ol qonaq úide tanys áielmen ishimdik ishken. Áieldiń aldynda óz-ózin kórsetý úshin politsiiaǵa habarlasyp, jaýyngerlik granata týraly aitqan.
Atalmysh fakti boiynsha jalǵan aqparat taratqany úshin kúdiktige qatysty QR QK-niń 274-babyna sáikes qylmystyq is qozǵaldy.
Elorda politseileri jalǵan aqparat taratqany úshin qylmystyq jaýapkershilik qarastyrylatyny týraly azamattardyń esine salady.
