Elorda politseileri ótkizgen jedel sharalar kezinde Soltústik Qazaqstan oblysynyń 22 jastaǵy turǵynyn ustady, dep habarlaidy Nur-Sultan qalasynyń Politsiia departamenti.
Kúndizgi ýaqytta memlekettik emhanada júrgen jigittiń garderobshynyń joq ekenin paidalanyp, baǵasy jarty million teńgeni quraityn tondy urlap ketkeni anyqtaldy. Odan keiin urlaǵan tondy saýda úiiniń dúńgirshine satyp jibergen.
Atalǵan qylmystyq is boiynsha «urlyq» babymen sot aldyndaǵy tergeý amaldary júrgizilýde. Kúdikti azamat óz kinásin moiyndady, onyń elorda aýmaǵynda jasalǵan osyǵan uqsas basqa qylmystarǵa qatysy tekserilý ústinde. Urlanǵan ton dúńgirshekten alynyp, iesine qaitaryldy.
Nur-Sultan qalasynyń politsiia departamenti azamattarǵa qyraǵy bolýdy keńes etedi.
