Elorda politsiia qyzmetkerleri 24-qabattan sekirmek bolǵan er adamdy qutqaryp qaldy, - dep habarlaidy "Ult aqparat" Polisia.kz-ke silteme jasap.
Portal málimetinshe, tún ortasynda "102" nómirine Saraishyq kóshesindegi kópqabatty úidiń balkon qorshaýynda er adam otyrǵany jáne sekirýge tyrysyp jatqany týraly aqparat túsken.
"Oqiǵa ornyna Astana PD patrýldik politsiia polkiniń jasaǵy, politsiia qyzmetkerleri Erjan Aisa men Nursultan Egembai dereý jiberildi. Atalǵan mekenjai boiynsha kelgen politseiler balkon qorshaýynyń ár jaǵynda eńkeiip jáne tómenge sekireiin dep otyrǵan adamdy kórgen. Tártip saqshylary jaǵdaidy baǵalap, ýaqytty joǵaltpai, tez arada joǵary kóteriledi. Olardy baiqaǵan er adam oǵan jaqyndamasyn dep aiqailai bastaǵan.
Politsiia qyzmetkerleri er adammen dialog qurýǵa tyrysady jáne onyń aldanyp turǵan sátin paidalanyp, oǵan tez júgirip baryp, artynan ustap, balkonnyń ishine tartyp kirgizgen. Sodan keiin olar er adamdy qaýipsiz jerge aparyp, stress jaǵdaidy sheshýge kómektesip, tynyshtandyrǵan.
Sekirmek bolǵan er adam Esil aýdanynyń Politsiia basqarmasyna jetkizildi. 28 jastaǵy azamattyń mundai is-áreketke ne itermelegeni anyqtalyp jatyr. Psihologtarmen birlesip onymen profilaktika jumystary júrgizildi" - delingen habarlamada.
