Aýa raiynyń buzylýyna bailanysty Qazaqstannyń birqatar óńirinde eskertý jariialandy, dep habarlaidy "Ult aqparat" «Qazgidrometke» silteme jasap.
8 jeltoqsanda Qaraǵandy oblysynyń kei jerlerinde tuman túsedi.
Shyǵys Qazaqstannyń Óskemen, Ridder qalalarynda, Jańa Buqtyrma kentinde 8 jeltoqsan saǵat 21.00 deiin ekinshi dárejeli qolaisyz meteorologiialyq jaǵdai saqtalady.
8 jeltoqsan da Aqmola oblysynda kei jerlerde tuman túsedi, aimaqta jáne Kókshetaý qalasynda jaiaý burqasyn soǵady.
Ońtústik-batystan jáne batystan jel soǵady, kei jerlerde jeldiń kúshi 15-20 m/s jetedi.
Nur-Sultan qalasynda túnde jáne tańerteń tuman túsedi.
8 jeltoqsan túnde Mańǵystaý oblysynyń soltústiginde 22°S deiin qatty aiaz saqtalady.
8-10 jeltoqsanda Túrkistan oblysynyń kei jerlerinde jáne Túrkistan qalasynda tuman túsedi.
Shymkent qalasynda da 8-9 jeltoqsanda kei ýaqytta tuman bolady.
8 jeltoqsanda Soltústik Qazaqstan oblysynyń kei jerlerinde tuman túsedi, Petropavl qalasynda boran soǵady.
Batystan jáne soltústik-batystan soqqan jeldiń qarqyny - 15-20 m/s.
