Nur-Sultan qalasy Tótenshe jaǵdailar departamenti elorda irgesindegi Jibek joly kentindegi demalys kesheniniń órtenýine qatysty aqparatty taratty, dep habarlaidy "Ult aqparat".
«Saǵat 15:40-ta elordalyq órt sóndirýshiler Aqmola oblysy Jibek joly kentine kómekke shyqty. Oqiǵa ornyna jetken kezde «Astana Resort» demalys kesheni aýmaǵynda, býngalo jáne demalatyn úiler órtenip jatqany anyqtaldy.Qazirgi ýaqytta elordanyń órt sóndirýshileri jalynnyń ózge de nysyndardyń taralýyna jol bermeý úshin qajetti sharalardy atqarýda. Óitkeni jeldiń saldarynan órtti sóndirýde qiynshylyqtar bolýda», - delingen Nur-Sultan qalasy Tótenshe jaǵdailar departamenti baspasóz qyzmetiniń málimetinde.
Belgili bolǵandai, órt bastalǵanda demalys keshinindegi 45 qyzmetker men meiman qaýipsiz jerge shyǵyp úlgergen.
Órttiń sebebi men jalyn sharpyǵan aýmaq kólemi anyqtalýda.
