Elordada biylǵy jylytý maýsymynda birneshe eldi meken tabiǵi gazdy paidalanady. Bul týraly elorda ákimi Altai Kólginov óziniń Instagram paraqshasynda jazdy, dep habarlaidy "Ult aqparat".
Astana ákimi óziniń jazbasynda elordanyń birqatar eldi mekeninde infraqurylymdy damytý máselesi bar ekendigin aitady. Internatsionalnyi eldi mekeninde birinshi kezekte jaryqtandyrý, aialdamalar ornatylyp, qosymsha avtobýs marshrýttary iske qosylady. Qazir magistraldy sý qubyrynyń qurylysy bastaldy. Magistraldy sý qubyry aiaqtalǵannan keiin, kvartalishilik jeliler úilerge ótkiziledi. Bul jumystardy 2021 jyly aiaqtaý josparlanǵan.
«Elordada 16 eldi meken bar. Olardy ortalyqtandyrylǵan damytýdan basqa, aýyz sý, káriz, jaryqtandyrý, joldar salý jáne t.b. máselelerdi sheshý qajet. Aýdan turǵyndary jaryqtandyrý, nóser jáne sharýashylyq kárizderin júrgizý, internet, gazdandyrý, joldardy, trotýarlardy asfalttaý jáne t.b. siiaqty infraqurylym máselelerin kóterdi. Birinshi kezekte jumysty jaryqtandyrý, aialdamalar ornatý, avtobýs marshrýttarynyń qosymsha sanyn iske qosýdan bastaimyz. Turǵyndarda ortalyqtandyrylǵan aýyz sý berilmegenin eskere otyryp, biz magistraldy sý qubyrynyń qurylysyn bastadyq. Magistraldy sý qubyry aiaqtalǵannan keiin, kvartalishilik jelilerdi úilerge ótkizýge kirisemiz. Bul jumystardy 2021 jyly aiaqtaýdy josparlap otyrmyz. Joldardy asfalttaýǵa kirispes buryn, káriz jáne gazdandyrý jumystaryn aiaqtaimyz. Biylǵy jylytý maýsymynda birqatar eldi mekender gazǵa kóshirile bastaidy. Protsess birneshe kezeńge bólingen. Turǵyndar kótergen máseleler josparǵa alyndy. Turǵyndarmen kezdesýlerdi barlyq eldi mekenderde ótkizip, qala turǵyndarynyń usynystaryn qalany damytý josparyna engizemiz. Turǵyn úi alaptaryn damytý máselesi Memleket basshysynyń baqylaýynda», - dep jazdy Altai Kólginov.
