Biyl elorda kúnine orai Nur-Sultan qalasynda shamamen 108 is-shara ótedi, onyń 80-nen astamy tegin, dep habarlaidy "Ult aqparat" qala ákimdiginiń saityna silteme jasap.
Atap óter jait, biylǵy baǵdarlama áleýmettik baǵytqa arnalǵan jáne kórermen kɵp qatysady dep josparlanyp otyr. Sondai-aq, astana kúnin merekeleý aiasynda ótetin aqyly kontsertter men teatrlandyrylǵan qoiylymdardyń biletterin satýdan túsken qarjy qaiyrymdylyq maqsattarǵa jumsalady. Kontsert uiymdastyrýshylary bilet satýdan túsken qarjy Arys qalasynyń zardap shekken turǵyndaryna arnalǵan kómek qorynyń shotyna aýdarylatyn bolady.
Bul baǵytta 29 maýsym kúni bolǵan"Astana Arena" stadionynda ótken Dimash Qudaibergenniń "Arnaý" atty jeke kontserti, aty ańyzǵa ainalǵan máskeýlik "Sovremennik" teatrynyń gastroli, Tursynbek Qabatovtyń "KTA" jobasy, jáne taǵy basqalaryn atap ótýge bolady.
Sonymen qatar, qala kúni aiasynda Esil ózeniniń jaǵalaýynda, Abylai han dańǵyly men Pýshkin kóshesiniń qiylysyndaǵy saiabaqta, "Han Shatyr" saýda-oiyn-saýyq ortalyǵynyń aýmaǵynda josparlanǵan merekelik otshashý ɵtpeitin boldy. Nur-Sultan qalasy ákimdiginiń bastamasyn merekelik saliýttardyń demeýshileri qoldap, arnaiy qarastyrylǵan qarjyny Arys qalasynyń zardap shekken turǵyndaryna kómek kórsetý qoryna aýdarmaq
