Elorda aýmaǵynda atys qarýyn, jarylǵysh zattar men jarylǵysh qurylǵylardy paidalaný arqyly jasalatyn qylmystardyń aldyn alý maqsatynda «Qarý-2020» sharasy ótkizilip jatyr, dep habarlaidy "Ult aqparat".
Nur-Sultan qalalyq politsiia departamentiniń málimetinshe, shara aiasynda júrgizilgen reidter barysynda gaz tapanshasymen júrgen 4 adam ustaldy. Saraptama qorytyndysyna sáikes, tárkilengen gaz tapanshalary jaraqattaityn oqpen atýǵa jaramdy bolyp shyqty.
«Sonymen qatar Jienqulov kóshesi boiynda Ózbekstan Respýblikasynyń 38 jastaǵy týmasy toqtatyldy. Onyń polietilen paketin qaraý barysynda sholaq myltyq tabyldy. Mamannyń qorytyndysyna sáikes, tegis ári qysqa uńǵymaly qarý 16 kalibrli ańshy myltyǵynan qoldan jasalǵan. Zaýyt nómiri óshirilgen jáne atýǵa jaramdy. Munan bólek, politsiia qyzmetkerleri 20 dana oq-dári tárkiledi», - delingen vedomstvo aqparatynda.
Jedel aldyn al sharasyn ótkizý barysynda qarý-jaraq, oq-dári, jarylǵysh zattar men qurylǵylardy zańsyz daiyndaý jáne satýmen bailanysty 11 qylmys anyqtaldy. Olarǵa qatysy bar tulǵalardyń ústinen QR Qylmystyq kodeksiniń 287-babymen tergeý amaldary júrgizilip jatyr.
