Nur-Sultan qalasynyń irgesindegi Ilinka kentinde iesiz qalǵan vagonnan memleketaralyq izdeýdegi qylmysker tabyldy, dep habarlaidy "Ult aqparat".
«Ýchaskelik politsiia inspektorlary Ilinka kentinde Dospambet jyraý kóshesindegi ákimshilik ýchaskeni aralaý kezinde iesiz qalǵan vagonda er adamdy anyqtaǵan. Tekserý barysynda ustalǵan 1977 jyly týǵan adam qarasha aiynan bastap shartty túrde sottalǵan retinde probatsiialyq baqylaýdan jaltarǵany úshin memleketaralyq izdeýde júrgeni anyqtaldy. Biylǵy 27 qarashadan bastap, sot osy azamatty memleketaralyq izdeýge jariialaǵan bolatyn», - dedi Nur-Sultan qalasynyń Politsiia departamentinen.
Málim etilgendei, izdeý salýǵa Qostanai qalasynyń Soltústik politsiia bólimi bastamashylyq etken.
«Ustalǵan er adam qamaýǵa alyndy jáne PD Ýaqytsha ustaý izoliatoryna ornalastyryldy», - delingen aqparatta.
Aita keteiik, 7 qyrkúiekten bastap, Nur-Sultan qalasynyń aýmaǵynda «Ýchaske» jedel-aldyn alý sharasy ótkizildi. Onyń barysynda ýchaskelik politsiia inspektorlary kópqabatty úilerdegi 280 myńǵa jýyq páterdi, 85 myńnan astam jeke jáne saiajai úilerin aralady.
