Elordada vaktsina men basqa da meditsinalyq preparattardy satyp alýǵa bólingen qarajat tolyq igerilmegen. Bul týraly Nur-Sultan qalasy boiynsha Tekserý komissiiasynyń tóraǵasy Imanjúsip Aqpombaev aityp berdi, dep habarlaidy QazAqparat.
«Nur-Sultan qalasynyń Qoǵamdyq densaýlyq saqtaý basqarmasy boiynsha memlekettik aýdit barysynda 1 jeltoqsandaǵy (2020 jylǵy) jaǵdai boiynsha vaktsinalardy jáne basqa da meditsinalyq preparattardy ortalyqtandyrylǵan satyp alýǵa jáne saqtaýǵa bólingen 421,5 mln teńge biýdjet qarajaty igerilmegen», - dedi I. Aqpombaev Nur-Sultan qalasynyń máslihatynda Biýdjet, ekonomika, ónerkásip jáne kásipkerlik máseleleri jónindegi turaqty komissiianyń otyrysynda.
Buǵan deiin spiker tekserý komissiiasy turaqty negizde elordada biýdjettiń oryndalýyna monitoring júrgizetinin aitqan edi. Taldaý kórsetkendei, elorda biýdjetiniń oryndalýynda eleýli kemshilikter bolǵan.
Onyń aitýynsha, biýdjet igerilmeýiniń negizgi bóligi qurylys basqarmasynda baiqalǵan. Biýdjettiń oryndalýy kezinde syn-táýekelder anyqtalmaǵan jáne 6 283,1 mln teńgeni, onyń ishinde daǵdarysqa qarsy 3 955,3 mln teńgeni igerý boiynsha shara qabyldanbaǵan.
