Elorda birtindep qalypty ómir arnasyna túsedi. Bul týraly «Astana» telearnasyna suhbat bergen elorda ákimi Altai Kólginov aitty, dep habarlaidy "Ult aqparat".
«Árine, karantin óz túzetýin engizip ketti. Kóptegen kásiporyn jumysyn toqtatty. Bul qajetti shara edi. Sonyń arqasynda indetti oqshaýlai aldyq. Degenmen, táýekel áli de qalyp otyrǵanymen epidemiologiialyq ahýal birtindep jaqsaryp kele jatyr. Táýligine indet juqtyrǵan 60-qa jýyq naýqasty anyqtaǵan kez boldy. Odan keiin jappai testileýdi bastadyq», - dedi Altai Kólginov.
Sonymen qatar ol koronavirýs indeti taralýynyń báseńdeýine bailanysty memlekettik komissiia sheshimimen birtindep karantin sharalary jeńildetilip jatqanyn aitty.
«Biraq, turǵyndarǵa aitarym, bosańsýǵa bolmaidy. Eger sanitarlyq talaptardy, iaǵni, ara qashyqtyq ustaý, adamdar kóp jinalatyn jerde maska taǵý, qoldy únemdi jýý talaptaryn saqtamasaq karantin rejimine qaita oralýymyz múmkin. Muny qalamaimyz. Sondyqtan sanitarlyq jańa talap, karantindik rejim talaptary aiasynda ómir súrýge daǵdylanýǵa tiispiz. Bul óte mańyzdy. Degenmen, epidemiologiialyq ahýaldyń jaqsara túsýine qarai birtindep qalypty ómir arnasyna túsemiz dep oilaimyn», - dedi elorda ákimi.
