ەلوردا بٸرتٸندەپ قالىپتى ٶمٸر ارناسىنا تٷسەدٸ. بۇل تۋرالى «استانا» تەلەارناسىنا سۇحبات بەرگەن ەلوردا ەكٸمٸ التاي كٶلگٸنوۆ ايتتى, دەپ حابارلايدى "ۇلت اقپارات".
«ەرينە, كارانتين ٶز تٷزەتۋٸن ەنگٸزٸپ كەتتٸ. كٶپتەگەن كەسٸپورىن جۇمىسىن توقتاتتى. بۇل قاجەتتٸ شارا ەدٸ. سونىڭ ارقاسىندا ٸندەتتٸ وقشاۋلاي الدىق. دەگەنمەن, تەۋەكەل ەلٸ دە قالىپ وتىرعانىمەن ەپيدەميولوگييالىق احۋال بٸرتٸندەپ جاقسارىپ كەلە جاتىر. تەۋلٸگٸنە ٸندەت جۇقتىرعان 60-قا جۋىق ناۋقاستى انىقتاعان كەز بولدى. ودان كەيٸن جاپپاي تەستٸلەۋدٸ باستادىق», - دەدٸ التاي كٶلگٸنوۆ.
سونىمەن قاتار ول كوروناۆيرۋس ٸندەتٸ تارالۋىنىڭ بەسەڭدەۋٸنە بايلانىستى مەملەكەتتٸك كوميسسييا شەشٸمٸمەن بٸرتٸندەپ كارانتين شارالارى جەڭٸلدەتٸلٸپ جاتقانىن ايتتى.
«بٸراق, تۇرعىندارعا ايتارىم, بوساڭسۋعا بولمايدى. ەگەر سانيتارلىق تالاپتاردى, ياعني, ارا قاشىقتىق ۇستاۋ, ادامدار كٶپ جينالاتىن جەردە ماسكا تاعۋ, قولدى ٷنەمدٸ جۋۋ تالاپتارىن ساقتاماساق كارانتين رەجيمٸنە قايتا ورالۋىمىز مٷمكٸن. مۇنى قالامايمىز. سوندىقتان سانيتارلىق جاڭا تالاپ, كارانتيندٸك رەجيم تالاپتارى اياسىندا ٶمٸر سٷرۋگە داعدىلانۋعا تيٸسپٸز. بۇل ٶتە ماڭىزدى. دەگەنمەن, ەپيدەميولوگييالىق احۋالدىڭ جاقسارا تٷسۋٸنە قاراي بٸرتٸندەپ قالىپتى ٶمٸر ارناسىنا تٷسەمٸز دەپ ويلايمىن», - دەدٸ ەلوردا ەكٸمٸ.
