Nur-Sultan qalasynyń kólemi 2000 jyly 300 myń sharshy shaqyrym bolsa, qazir úsh esege keńeiip, 800 myń sharshy shaqyrymǵa jetti. Bul týraly Nur-Sultan qalasynyń ákimi Altai Kólginov halyqqa esep berý kezdesýinde aitty, dep habarlaidy "Ult aqparat".
«Biyl Nur-Sultan qalasynyń elorda bolǵanyna 22 jyl tolady. Qalamyzda osydan 20 jyl buryn dúniege jylyna 4500 sábi keletin bolsa, qazirgi ýaqytta 25 myń sábi dúniege keledi. Sonymen qatar, jylyna 50 myńdai adam qalaǵa kóship kelýde. Nur-Sultan qalasynyń kólemi 2000 jyly 300 myń sharshy shaqyrym bolsa, qazir úsh esege keńeiip, 800 myń sharshy shaqyrymǵa jetti», - deidi Altai Kólginov.
Ol buryn elorda sheneýnikter qalasy dep atalsa, qazirgi ýaqytta biznes qalasyna ainalyp bara jatqanyn aitty.
«Biznes sýbektileri qanshalyqty kóbeigenin ózderińiz de kórip júrsizder. Qazirgi kezde orta jáne shaǵyn biznesti damytý kerek ekendigi týraly tapsyrma berdi, bul ekonomikamyzdyń damýyna úles qosady. Buryn sheneýnikter qalasy atalǵan elordamyz biznes qalaǵa ainalyp kele jatyr», - deidi ol.
