نۇر-سۇلتان قالاسىنىڭ كٶلەمٸ 2000 جىلى 300 مىڭ شارشى شاقىرىم بولسا, قازٸر ٷش ەسەگە كەڭەيٸپ, 800 مىڭ شارشى شاقىرىمعا جەتتٸ. بۇل تۋرالى نۇر-سۇلتان قالاسىنىڭ ەكٸمٸ التاي كٶلگٸنوۆ حالىققا ەسەپ بەرۋ كەزدەسۋٸندە ايتتى, دەپ حابارلايدى "ۇلت اقپارات".
«بيىل نۇر-سۇلتان قالاسىنىڭ ەلوردا بولعانىنا 22 جىل تولادى. قالامىزدا وسىدان 20 جىل بۇرىن دٷنيەگە جىلىنا 4500 سەبي كەلەتٸن بولسا, قازٸرگٸ ۋاقىتتا 25 مىڭ سەبي دٷنيەگە كەلەدٸ. سونىمەن قاتار, جىلىنا 50 مىڭداي ادام قالاعا كٶشٸپ كەلۋدە. نۇر-سۇلتان قالاسىنىڭ كٶلەمٸ 2000 جىلى 300 مىڭ شارشى شاقىرىم بولسا, قازٸر ٷش ەسەگە كەڭەيٸپ, 800 مىڭ شارشى شاقىرىمعا جەتتٸ», - دەيدٸ التاي كٶلگٸنوۆ.
ول بۇرىن ەلوردا شەنەۋنٸكتەر قالاسى دەپ اتالسا, قازٸرگٸ ۋاقىتتا بيزنەس قالاسىنا اينالىپ بارا جاتقانىن ايتتى.
«بيزنەس سۋبەكتٸلەرٸ قانشالىقتى كٶبەيگەنٸن ٶزدەرٸڭٸز دە كٶرٸپ جٷرسٸزدەر. قازٸرگٸ كەزدە ورتا جەنە شاعىن بيزنەستٸ دامىتۋ كەرەك ەكەندٸگٸ تۋرالى تاپسىرما بەردٸ, بۇل ەكونوميكامىزدىڭ دامۋىنا ٷلەس قوسادى. بۇرىن شەنەۋنٸكتەر قالاسى اتالعان ەلوردامىز بيزنەس قالاعا اينالىپ كەلە جاتىر», - دەيدٸ ول.
