Indýstriia jáne infraqurylymdyq damý ministrliginiń baspasóz qyzmeti áýejai kodyn ózgertý qajettigi joq ekenin habarlady, dep habarlaidy QazAqparat.
«Astana áýejaiynyń kody NQZ bolyp saqtalady. Qazirgi ýaqytta kodty ózgertý máselesi joq», - dedi ministrliktiń baspasóz qyzmeti.
Buǵan deiin Parlament depýtattary konstitýtsiialyq ózgeristerdi qabyldaǵany habarlanǵan bolatyn. Zań jobasy sheńberinde úsh baǵyt qaraldy:
Birinshisi, keiinnen qaita sailaný quqyǵynsyz uzaqtyǵy 7 jyl bolatyn bir Prezidenttik merzim týraly ereje;
Ekinshisi, Konstitýtsiialyq Sottyń sýdia bolyp qaita taǵaiyndalýyna shekteý belgilei otyryp, Konstitýtsiialyq Sot sýdialarynyń ókilettik merzimderin 8 jylǵa deiin ulǵaitý; Úshinshisi, Qazaqstan astanasynyń ataýyn ózgertý.
Aita keteiik, 2017 jyly QR Investitsiialar jáne damý ministrliginiń Azamattyq aviatsiia komiteti Halyqaralyq áýe kóligi qaýymdastyǵymen (IATA) KSRO dáýirinen beri aýyspai kele jatqan Astana jáne Qazaqstannyń ózge de qalalaryndaǵy áýejailar kodyn ózgertý jóninde kelissózderdi bastady.
Keiin Halyqaralyq áýe kóligi qaýymdastyǵynyń (IATA) 2020 jylǵy 6 sáýirdegi arnaiy habarlamasyna sáikes, Nur-Sultan Nazarbaev halyqaralyq áýejaiynyń qoldanystaǵy TSE úsh áripti kodyn NQZ-ge ózgertý týraly túpkilikti sheshim qabyldandy.
