Elordada Nursultan Nazarbaev halyqaralyq áýejaiynyń qyzmetkerleri Ashyq jobasyn iske qosylǵan eki kúni ishinde «sary» statýsy bar 9 jolaýshy, «qyzyl» statýsy bar 8 jolaýshyny anyqtady, dep habarlaidy "Ult aqparat".
Tekserýden ótkenderdiń jalpy sany - 9 943 adam. Algoritmge sáikes, «qyzyl» statýsy bar jolaýshylar jedel járdem qyzmeti kelip jetkenshe oqshaýlanyp, odan keiin aýrýhanaǵa jatqyzyldy.
12 mamyrdan bastap Nursultan Nazarbaev halyqaralyq áýejaiynda Ashyq júiesi tolyqqandy iske qosylǵan. Biz ushyp shyǵatyn barlyq jolaýshyny áýejaiǵa kelgenshe qosymshany júktep alyp, óz statýsyn tekserý kerek ekenin eskertemiz. «Sary» jáne «qyzyl» statýsy bar jolaýshylar terminal ǵimaratyna jiberilmeidi. Reiske jiberilmegen jolaýshylar aqshasyn qaitarýǵa qatysty suraǵyn áýe kompaniiasyna joldaýy tiis.
Ashyq qosymshasyndaǵy aqparat Densaýlyq saqtaý ministrliginiń ortaq bazasymen birigý arqyly kelip túsedi jáne jolaýshynyń statýsyn anyqtaidy. Áýejaida kezekti boldyrmaý úshin, qosymshany aldyn ala júktep, mártebeni tekserip alǵan jón.
Áýejai ǵimaratynyń kireberisinde turatyn qyzmetkerlerdiń plansheti bar. Smartfony joq jolaýshylar planshette JSN terý arqyly óz statýsyn bile alady. Al JSN joq sheteldik jolaýshylar óz statýsyn tólqujat nómiri arqyly biledi.
