Nursultan Nazarbaev halyqaralyq áýejaiynda jańa CIP-zaldyń ashylýy ótti, dep habarlaidy QazAqparat.
«Jolaýshylar jaily CIP-zalda halyqaralyq nemese ishki reisterge tirkelý, ushyp kelý, ushyp ketýmen bailanysty ózge de biregei qyzmetter ala alady. CIP-zal ókili jolaýshylardy ushaq trapynan kútip alyp, arnaiy bólingen kólikpen jaily CIP-zalǵa ertip aparady. Jolaýshylar tólqujat jáne kedendik baqylaýdan ótip, áýejai qyzmetkeri júgin ákep bergenge deiin CIP-zalda kútip otyrady», - dedi elorda áýejaiynyń baspasóz hatshysy Ánýar Shalekenov.
CIP-zal agentteri jolaýshylardy tirkep, olarǵa kedendik jáne tólqujat baqylaýynan ótýine de kómek beredi. CIP-jolaýshylary ushaqqa otyrý jáne júgin alý kezinde únemi basymdyqqa ie bolady. Mundai qyzmetti jeke jáne zańdy tulǵalar qolma qol aqsha tóleý nemese bank kartasymen esep aiyrysý arqyly alady. CIP-zaldy paidalanýǵa niet tanytqan kez kelgen azamat elorda áýejaiyna ushyp kelgende nemese ushyp keterde aldyn ala tólem jasamai-aq CIP-zal kassasynda tólem jasaýǵa múmkindigi bar.
